Transcription
1
Monseigneur, jay receu la lettre quil vous a pleu de mescripre du dixième de ce present moys
2
et puis que je congnoy vous avez aggreable que je vous fasse entendre des
3
nouvelles dicy, encores que je scache vous en pouvez avoir et de monsieur de
4
Vennes votre frère, et de monsieur du Chastellard des plus certaines. Si vous
5
diray-je encore, monseigneur, que monsieur et madame de Lorrayne arrivèrent
6
lundy dernier en ceste court et ont amené avecques eulx madamoiselle de Lorraine
7
leur fille aisnée, laquelle la royne mère retient et faict nourrir. Monsieur de
8
Lorrayne se trouve quelque peu mal d’hyer, de sorte qu’aujourdhuy, il garde la
9
chambre. Il a accreu notre court qui nest pas petitte, car reste monsieur de Nemours
10
et les princes qui sont allez en Poullongne, tous les autres y sont. Le roy veille
11
fort aux affaires de son royaulme et ne sest fally guères de jours depuys la
12
feste des Roys quil naye faict assembler son conseil. Il regarde par tous les
13
moyens quil peult de soulager son peuple et faire vivre ses subiectz en toute
14
doulceur à son obéissance. Dieu luy en fasse la grace. Et changeant de
15
propos, je vous remertieray très humblement, monseigneur, de ce quil vous a pleu
16
parler pour mon frère à quelques ungz de messieurs [ajouter : les commys] du pays, ce que je vous en
17
avoys escript. Je lay communicqué à monsieur du Chastellard qui ma asseuré qu’aussy
18
tost quil aura baillé quelque cahier à monsieur de Limoges pour le pays quil
19
se retirera. Sil plaist ausdits sieurs du pays demploier mondit frère pour les affaires
20
du general, il sy portera fort fidellement, aultrement ilz y commettront qui bon leur
21
semblera. En cest endroit, je vous presenteray mon humble service avec mes
22
très humbles recommandations à votre bonne grace. Priant Dieu quil vous donne,
23
monseigneur en parfaicte santé très longue et très heureuse vye. Escript à St Germain
24
en Laye, ce XXVIIIe de janvier 1574.
25
Votre très humble et bien affectionné serviteur
26
Hector de maniquet